
Shillong, Nohprah 16
Ki shipai Border Security Force (BSF) jong ka Meghalaya Frontier ha ka Lah Sngi U Blei ki la ïoh ban kurup ïa 2 tylli arshaka bad bun kiwei pat ki mar ïa kiba la thmu ban khaïi tuh sha Bangladesh.
Ïa kine ki mar la ïoh kurup na khappud ka thaiñ East Khasi Hills bad South West Khasi Hills District.
Halor ki jingtip ba thikna, ki shipai BSF ki la pynlong ïa ka jingkhynra ha kylleng ki jaka khappud ka Rilum Khasi. Ha kane ka jingkhynra ki la ïoh kurup ïa ar tylli ki arshaka, ka shini, ki masi, ka kyiad, ki sohniamtra, nep, syiar, rynsun bad kiwei kiwei.
Ki nongkhaïi tuh ki la ieh noh ïa kine ki mar ha ki jaka khlaw ynda ki ïohi ïa ka jingwan kthong jong ki shipai ïoh ba sheptieng shah kem. Ïa kine ki mar ba la ïoh kurup la aiti noh sha ki pulit ba kin tohkit bad leh ïa kaba donkam.