Shillong, Nohprah 16
Ka Sorkar Pdeng ka la buhteng shwa ha ka Lah Sngi U Blei ban wanrah ïa ka aiñ ban pynlong ilekshon MP bad MLA ha kajuh ka por ha ka ri baroh kawei kaba tip kum ka One Nation One Election Bill lane ‘Constitution (One Hundred and Twenty-Ninth Amendment) Bill.’
Ha ka jingshisha, ka Sorkar Pdeng ka la pynrung ha ka thup ban wanrah ïa kane ka aiñ ha Parliament ha kane ka dorbar tlang ha ka Lah Sngi U Blei (16 tarik Nohprah).
Hynrei la ong ba ka Sorkar ka lah ban wanrah pat ïa kane ka aiñ ha kane hi ka taïew ha shwa ban kut ka dorbar tlang. Ka Dorbar Tlang jong ka Parliament kan kut noh ha ka 20 tarik mynta u Nohprah.
