Shah knieh ka ATM bad shah sei ka pisa T.35 hajar ha Punjabi Lane

Ha kaba ïadei bad kane, na ka liang jong ki pulit hadien ba la ïoh pdiang ka jingujor, mynta ki dang pynlong ka jingtohkit ban lap dien ïa utei u runar.

Shillong, Nohprah 16

Uwei u rangbah u la shah knieh ka card ATM ha uwei u runar bad kham hadien la ïoh jingtip ba u la dep ban sei ruh ïa ka pisa na ka bank account jong u.

Katkum ka khubor kaba la ïoh lum na ki pulit la ong ba u Aiborlang Khongphai u la ai ka jingujor ba ha ka janmiet jong ka 10 tarik mynta u bnai ha ka por kumba 5.20 eiei, katba u dang sei pisa na kawei ka kor ATM Kiosk kaba don ha Punjabi Lane, Shillong, kyndit-kynsan uwei runar bym lah ban ithuh, u la knieh jubor ïa ka card ATM ka jong u bad kham hadien pat u la sei ïa ka pisa kaba kot kumba T.35,000/- na ka Bank account ka jong u.

Ha kaba ïadei bad kane, na ka liang jong ki pulit hadien ba la ïoh pdiang ka jingujor, mynta ki dang pynlong ka jingtohkit ban lap dien ïa utei u runar.