Shah tuh ki arshaka bad ka mobile phone

Ka jingkynrei ki kam tuh ka dang ïai bteng na kawei ka sngi sha kawei pat haduh ba ka la pynshong syier la ka long ïa ki tiar arshaka, kali ne ki trai ïing ban...

Shillong, Nohprah 16

Ka jingkynrei ki kam tuh ka dang ïai bteng na kawei ka sngi sha kawei pat haduh ba ka la pynshong syier la ka long ïa ki tiar arshaka, kali ne ki trai ïing ban ym sngew shngaiñ shuh.

Katkum ka khubor kaba la ïoh na ki pulit la ong ba ka Kong Reena War ka la ujor ba ha ka 12 tarik mynta u bnai ha ka por kumba 6 baje janmiet, ki runar bym lah ban ithuh ki la tuh ïa ka mobile phone jong ka napoh ka kali jong ka kaba la pynïeng ha Mawlai Mawroh, Shillong.

Ha kawei pat ka khubor, u Pawan Ashok Kamble u la ujor ba ha ka 13 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-Z-1085 najan jong ka ophis DHS ha Laitumkhrah, Shillong.

Kumjuh ruh na ka liang jong u Weston Sangma u la ujor sha ki pulit ba ha ka 4 tarik mynta u bnai, ki runar bym lah ban ithuh ki la tuh ïa ka arshaka ka jong u kaba don ïa u registration number ML05-AC-5540 na ka jaka hajan jong ka Wonikchiring LP School ha South West Khasi Hills.

Na ka liang jong u Bironjoy Hajong ruh u la ujor sha ki pulit ba ha ka 12 tarik mynta u bnai, ki runar bym lah ban ithuh ki la tuh ïa ka arshaka ka jong u na ka jaka sah jong u ha Lower Hawakhana, Tura ha West Garo Hills.

U Stephen Ch Sangma ruh u la ai ka jingujor ba ha ka 13 tarik mynta u bnai, ha ka por 10.30 eiei mynstep, u la lap ba ka arshaka jong u, kaba don ïa u registration number ML13-A-3124 la lap ba ka la jah na ka jaka ba pynïeng ha Civil Hospital Tura ha West Garo Hills.