Shillong, Nohprah 19
Ki pulit ka East Khasi Hills ha ka sngi Palei ki la pynlong ka jingkhynra ha ka thaiñ Madanrting, Shillong. Ha kane ka jingkhynra, la ïoh ban rah noh ïa ar ngut ki briew, ha kaba uwei u dang dei u khynnah rit.
Ha kane ka jingkhynra, ki tiar ba la ïoh kurup ki long haduh hynriew tylli ki synduk sabon ha kaba la thep bha ïa u drok heroin uba don ka jingkhia kumba 60.98 gram bad ar tylli ki mobile phone.
Ha kaba ïadei bad kane, la pynrung ïa ka mukotduma katkum ki kyndon jong ka aiñ bad ka jingtohkit ka la ïaid shakhmat ban lap ïa ka tynrai jong ka wan poi u drok.
