Shillong,Nohprah:
Ka Hornbill Festival kaba la pynlong ha ka sien kaba 25, kaba tip paidbah ruh kum ka Tamasa jong ki Tamasa, la pynkut noh da ka jingshitrhem kabym pat ju iohi mynno mynno ruh, la pynkheiñ ïa ka rekod da kaba khring ïa 2.5 lak ki nongwan jngohkai sha ka Kisama Heritage Village, Nagaland. Ka Durex The Birds and Bees Talk (TBBT), ka prokram pynkylla dur ïa ka jingim da ka Reckitt, kaba dei ka nongïalam ha ka pyrthei ha ka liang ka koit ka khiah bad ka jingkhuid jingsuba, ka la long ka Official Health Partner ba pura jong kane ka tamasa, ka la pynlong ïa ki jingïakren kiba ai mynsiem halor ka jingmynjur lyngba ki jingthmu kiba plie nongrim thymmai.
Mynta u snem, ka Durex TBBT ka la thaw histori da kaba plie ïa ka Consent Cafe kaba nyngkong ha Asia, la plie ïa ka da u Shri Anoop Khinchi (IAS), uba dei u Commissioner & Secretary, Health & Family Welfare bad u Shri Thavaseelan K (IAS), u Principal Director, School Education & CEO, State Health Authority.
Ha kane ka jingplie paidbad jong ka Cafe la don ryngkat ruh u Shri T.R. Zeliang, u Deputy Chief Minister, Planning & Transformation, bad u Shri G. Ikuto Zhimomi, uba dei u Advisor, Land Resources. Ryngkat bad ka jingpynwandur kaba iphuh iphieng jong ki tiar tbeh jingshai, ka jingpynïasoh ba khih, ka jingtem jingput bad ki jingdro, kane ka Cafe ka thaw nongrim ïa ka jingshngaiñ ban pynskhem ïa ka jingdonkam jong ka jingmynjur ha ka imlang-sahlang mynta.
U Gaurav Jain, u Executive Vice President, Reckitt – South Asia, u la ong, ” Ngi sngewnguh shibun eh ïa ka Sorkar jong ka Nagaland na ka bynta ka jingkyrshan kaba neh skhem ka jong ki ban wanrah bad ban pynwandur ïa ka lawei kaba shai bad kaba tip bniah na ka bynta ki khun samla.”
