Shillong, Nohprah 22
U Working President ka Khun Hynñiewtrep Nati- onal Awakening Movement (KHNAM) Bah Thomas Passah u la pyntip ba ïa ka thup ba ar jong ki kyrtong ban ïakhun ïa ka ilekshon MDC ha u bnai Rym-phang 2025 yn sa pynbna biang hadien ka Khrist-mas.
U Bah Thomas u la ïathuh ba ïa mynta ka KHNAM kan pynïeng kyrtong tang ha Khasi Hills Autonomous Dist-rict Council (KHADC).
Shuh shuh u la pyntip ba ki la don kumba san tylli ki konstitwensi ha Jaiñtia Hills Autonomous District Council (JHA DC) kiba pan tiket tangba ka seng kan ym pynïeng kyrtong namar ki dang duna kiba pan tiket.
U la pyntip ba ka seng ka kwah ban pynïeng kyrtong da kiba khlaiñ ym ban shu pynïeng tang ban shu pynbun briew.
U la ïathuh ruh ba ha Mawlai Konstitwensi ki nongkyrshan ki dang ïa pynbeit namar ki la don ki ‘riew rangbah kiba la pan tiket.
Namar kata, u Bah Passah u don jingkyrmen ba ki paidbah kin sa jied ïa ki kyrtong jong ka KHNAM ha kane ka ilekshon MDC khnang ba ka seng kan kren ïa ki jingeh jong ka jaidbynriew.
Ha kajuh ka por u la pyntip ba ka seng kan ym pynïeng kyrtong lut ha baroh ki konstitwensi ha KHADC hynrei kan da bishar bniah.
Haba kylli ka long kumno ka jingïakhun ha Jaïaw konstitwensi, u Bah Thomas u la ong ba kum u kyrtong ka KHNAM na Jaïaw u la dep pynkhreh ïalade hynrei mynta bad ka shong sa ha ki paidbah ba kin rai.
