Resubelpara, Nohprah 22
U Bruno A. Sangma, Superintendent of Police, F&ES, West Garo Hills (WGH), u la mynsaw ha ka jingjia aksiden kali katba u dang leit sha Kharkutta na ka sor Tura ryngkat ki bahaïing baha- sem jong u.
Kane ka jingjia kaba la jia ha ka Sngi U Blei mynsngi, ka la sakhi ruh ïa ka kurim bad ka khun jong u Bruno kiba la mynsaw wat la katkum ki khubor, kim dei ki jingmynsaw kiba buh jingma ïa ka jingim.
Kane ka jingjia aksiden ka la jia ha ka shnong Snalgre ha NGH ha kaba u SP uba ñiah hi ïa ka kali um shym la lah ban tehlakam shuh (ïa ka kali) bad leit khun noh sharud ka surok, ha kawei ka liang kaba la pynlong ïa ka kali ban kylla khongpong namar kane ka jingjia.
Katkum ki khubor ba la ïoh lum ha shuwa, ki don 4 ngut ha katei ka kali, u Bruno, ka kurim jong u, ka khun kynthei bad u khun shynrang ha ka por ba jia katei ka jingjia aksiden.
“Ym shym la don kano-kano ka jingmynsaw kaba buh jingma ïa ka jingim bad la pynbiang ïa ka ‘First Aid’ ha Bajengdoba CHC kaba jan tam, ha shuwa ban pynkit sha Apollo Guwahati ban ïoh ïa ka jingsumar kaba kham bniah. Baroh 4 ngut ki la lait na ka jingma,” pyntip u SP ka NGH, Swapnil Pawar.
