Shillong, K’lyngkot 05
Uwei u nongrep na West Jaiñtia Hills District uba tip kyrteng kum u Bah Ïowluti Ymbon na ka shnong Mukhap, Laskeiñ Block, West Jaiñtia Hills District u la ïoh pdiang ïa “Innovative Farmers Award” 2025 ha ka ‘Regional Agriculture Fair’ ba la pynlong da ka Assam Agricultural University ha Jorhat.
Ïa kane ka khusnam la ai da u Atul Bora, Myntri ka tnad ka rep ka riang bad ka kam ri jingri jong ka Jylla Assam, u Kamakhya Prasad Tasa, Member of Parliament na Kaziranga konstitwensi, Assam bad u Dr. Bidyut C. Deka, Vice-Chancellor jong ka Assam Agricultural University.
Une u nongrep u la don bynta ban ïatreilang bad ka Krishi Vigyan Kendra, Jaiñtia Hills ha ki kam ba ïadei bad ka kam rep kam riang bad kham kongsan eh bad ka kam ri jingri.
Ka jingjied ïa une u nongrep ruh ka ïaid lyngba ka ophis jong ka Krishi Vigyan Kendra, Jaiñtia Hills.
Ha kane ka sngi khraw, la synran lang ïa u Bah Ymbon da Subject Matter Specialist (AH &Vety.), Dr. Rimiki Suchiang, Senior Research Fellow, F. Sutnga bad u K. Passah na KVK Jaiñtia Hills.
