Nongstoiñ, K’lyngkot 06
Uwei u rangbah u la pynkut noh ïa la ka jingim hadien ba la suba ba u la phasi ïalade ha la ïing ha ka shnong Pyndendiloin ha West Khasi Hills.
Ka tyllong khubor na ki pulit la ïathuh ba ïa utei u rangbah uba la duh noh ïa la ka jingim la tip kyrteng kum u Bedstar Nongkhar, 37 snem ka rta.
Shuh shuh ka khubor ka ong ruh ba la suba jur ba katei ka jingjia, ka la jia naduh ka miet jong ka 5 tarik mynta u bnai ha ïing sah ka jong u hi, hynrei la lap pat ïa ka met ha ka 6 tarik.
Ka khubor ka ong ruh ba ïa ka daw kat haduh ban pynlong ïa utei u rangbah ban shim noh ïa la ka jingim da kaba phasi ym shym la tip satia namar ha katei ka miet ki bahaïing kim shym la don satia ha ïing.
