Shillong, K’lyngkot 07
Ki nongshong shnong jong ka Laitumsaw kaba hap hapoh ka Dangar Out-Post ha East Khasi Hills, ki la ïoh ban bat noh ïa ki 3 ngut ki briew halor ka suba jur ba ki lah ban dei ki nongtuh masi.
Katkum ka khubor kaba la ïoh lum na ki pulit la ong ba ha ka janmiet jong ka 4 tarik mynta u bnai, ki nongshong shnong jong ka Laitumsaw ki la ïoh ban bat noh ïa ki lai ngut ki briew ba la tip kyrteng kum u Silvester Lartang (28 snem) bad ar ngut ki longkmie, ka Balbina Marak (28 snem) bad ka Merila A Sangma (35 snem), da kaba kynnoh ba ki la suba ba ki dei kiba donkti ban tuh ïa ki masi.
Nalor kane, ki nongshong shnong ki la ïoh ruh ban kurup noh kawei ka masi na ka khlaw kaba don marjan bad ka shnong.
Ha kaba ïadei bad kane, ki pulit ki dang pynlong ïa ka jingtohkit na ka bynta ban lap ïa ki jingshisha baroh halor kane ka kam.
