Shillong, K’lyngkot 14
Ki pulit jong ka East Jaiñtia Hills ki la ïoh ban kurup noh ïa ki dawai kuli kiba la khang bad khaïi beaiñ na ki ar ngut longkmie na kawei ka kali ha ka thaiñ Ratacherra ha East Jaiñtia Hills.
Katkum ka khubor kaba la ïoh na ki pulit la ong ba ha ka 11 tarik mynta u bnai, ha ka por kumba 1 baje eiei mynsngi katba ki dang pynlong ka jingtalasi kali ha Ratacherra ki la ïoh ban bat noh ïa kawei ka briew kaba la tip kyrteng kum ka Esther Vunghoihching (37 snem), kaba don ha kawei ka kali kaba don ïa u registration number ML05-AC-2916. Na kane ka briew la ïoh kurup haduh arphew san tylli ki pla rit kiba la thep haduh 200 tylli ki dawai kuli kiba la mana bad ba la khaïi beaiñ. La ong ba ha kawei-pa-kawei ka pla rit ki don haduh 200 tylli kine ki dawai.
Kham hadien, ki pulit ki la kurup biang sa arphew san tylli ki pla rit kiba la thep haduh 200 tylli ki dawai kuli kiba la mana bad ba la khaïi beaiñ na kawei pat ka briew kaba la tip kyrteng kum ka Nianenciin (45 snem), kaba la don lang ha katei hi ka kali.
