Shillong, K’lyngkot 14
Ki shipai BSF kiba don ha khappud bad ka Bangladesh hajan Baghmara ki la ïoh ban kem ïa uwei u briew bad kurup ruh ïa ki bniat hati katba dang thmu ban rung sha Bangladesh.
Ki shipai BSF ki la ïathuh ba u briew uba ki la ïoh ban kem dei nong India ba la donkti ha kane ka kam khaïi beaiñ ïa ki mrad khlaw, ïa ki bniat hati la ïoh ban kurup na ka met jong katba u dang kit.
Na ka liang jong ki BSF ki la aiti noh sha ki briew jong ka tnat khlaw ka Sorkar Meghalaya kaba don ha Baghmara ka ophis jong u District Forest Officer na ka bynta ban pynlong ïa ka jingtohkit halor kane ka kam beaiñ.
Ki BSF ki long kiba peitngor ha khappud bad ka Bangladesh ban pynthikna ba kan nym don kano kano ka jingïakhaïi beaiñ ha khappud bad ha kajuh ka por ban ïada ïa u pud u sam jong ka ri ban khanglad ïa kiba wan rung beaiñ bad ki kam khaïi beaiñ.
