Shillong, K’lyngkot 14
Ar ngut ki nongñiah arshaka, ki la iehnoh shadien ïa ka arshaka la jong bad ban phet bak hadien ba na ka liang jong ki pulit ki la rah kti ban phah pynsangeh ïa ki ar shaka jong ki.
Katkum ka khubor na ki pulit la ong ba ha ka 11 tarik mynta u bnai ha ka por 4 baje mynstep, ki pulit ki la phah sangeh ïa ki ar ngut ki nongñiah arshaka na ka bynta ban pynlong ka jingtalasi ha ka thaiñ Wahkoh kaba hap hapoh ka Umkinag PPP ha East Jaiñtia Hills.
Hynrei la ong ba kine ki nongñiah arshaka, kim shym la sangeh bad ban pynher sted ïa ki arshaka ki jong ki bad kham hadien ki la ieh noh ïa kine ki arshaka kiba don ïa u registration number AS11-C-0711 bad kawei bym don number bad ban phet bak noh na kata ka jaka. Ki pulit hadien ba ki la lap ïa kine ki arshaka, ki la buh noh ha Umkiang PPP.
