Shillong, K’lyngkot 15
Ar ngut ki briew ki la shah bat noh bad uwei u la lait phet, hadien ba ki la shoh bad pyrshang ban knieh ïa ka pla na uwei u rangbah uba dang don ha lynti ban leit sha Lawmali, Shillong.
Katkum ka khubor ba la ïoh na ki pulit la ong ba u Bah Diskaland Rani u la ai ka jingujor ba ha ka janmiet jong ka 13 tarik mynta u bnai ha ka por kumba 5.45 eiei, lai ngut ki briew ki la wan sha u bad leh mynleh ban die jaiñ, katba u dang don ha lynti ban leit sha Lawmali, Shillong. Hynrei la ong haba une u rangbah u la kyntait, kine lai ngut ki briew ki la pynpaw ka jingbitar bad pyrshang ban knieh ïa ka pla bad uwei na ki, u la shoh ïa utei u rangbah.
Ha kane ka jingshah shoh, une u rangbah u la mynsaw. Kham hadien, ar ngut napdeng kitei lai ngut ba la tip kyrteng kum u Rojan N Sangma (24 snem) bad u Vijay Biswa (26 snem) ki la shah bat noh da ka jingïarap jong ki briew ba ïaid lynti na kane ka jaka, katba uwei pat u la lait phet krad bad ïoh ban rah ruh ïa ka mobile phone bad ka pisa jong utei u rangbah
