Shillong, K’lyngkot 19
Ki pulit jong ka East Khasi Hills District ki la sdang ban peitngor bad ruh ban pynlong ïa ka jingkhynra ïa ki arshaka la ka long ha nongbah Shillong ne kiba ïaid shikynhun sha surok Sohra naba kane ka buh ha ka jingma ym tang ïa ki nongleit nongwan bad khamtam ïa ki nongwan jngohkai pyrthei kiba don beit hapdeng ka jingsyier bad rit mynsiem.
Ban khanglad ïa kane ka jingïaid kynhun ki arshaka, ki pulit jong ka East Khasi Hills District ki la pynlong ïa ka jingkhynra ha ki bynta jong ka thaiñ Mawkdok. Kane ka jingkhynra ka long ban khanglad ïa ka jingïaid kynhun jong ki arshaka kiba ju sngewtynnad ban pynher sted bad ñiah khlemakor haduh ba ka buh jingma ïa kiwei pat.
Kum kane ka jingkhynra jong ki pulit, la pynlong ruh ha ka nongbah Shillong kaba long ban wanrah ïa ka jingshngaiñ bad ka jingshong suk bad ban ïada na kano kano ka jingjia kaba sngewsih namar bunsien ka jingïaid khlem da thew ka wanrah ïa ka jingsngewsih.
Ban khanglad ïa kane, ki pulit kin dang ïai bteng ban pynlong ïa kum kine ki jingkhynra bad ban pynthikna ba kan don ka jingshngaiñ ha ka ïaid ka ïeng bad ruh ban pynthikna ba kan don ka jingsuk bad ka jingshngaiñ ha ka leit ka wan.
