Nang rit bad khapngiah ka jaka pynïeng kali ha Khyndai Lad, kerkut pynban ban shna dukan

Hynrei kane ka jaka pynïeng kali mynta kan sa nang kham rit noh namar ïa ka mala kaba na trai duh la ker kut da ka plastik namar ka don ka jingthmu ban shna dukan.

Shillong, K’lyngkot 22

Ka jingduna ki jaka pynïeng kali ka dei kawei na ki daw jong ka jingkhapngiah ki rud surok ha kaba la ju sakhi ïa ki kali bad ki ar shaka ki pynïeng kat haba lait jaka.

Kawei na ki jaka pynïeng kali ha Khyndai Lad kaba tip kum ka MUDA Parking Lot ka dei kaba la lah bha ban ai jaka ïeng ïa ki kali kiba wan sha thaiñ Khyndai Lad.

Hynrei kane ka jaka pynïeng kali mynta kan sa nang kham rit noh namar ïa ka mala kaba na trai duh la ker kut da ka plastik namar ka don ka jingthmu ban shna dukan.

Katkum ka jingïathuh kiba peit ïa kane ka jaka pynïeng kali, ka MUDA ka thmu ban shna dukan ha kane ka mala kaba sha tbian eh bad kane ka la buh jingeh pynban ïa kiba kwah ban pynïeng kali.

Ki paidbah kiba leit siew leit tda ki la shem jingeh ban ïoh jaka pynïeng kali namar kane ka Parking Lot jong ka MUDA ka la nang rit bad khapngiah da ka jingkerkut ïa ka mala kaba sha tbian.

Ki don katto-katne tylli ki jaka pynïeng kali kiba dang don mynta hapdeng ka jingtei thymmai kum ka jaka pynïeng kali ha Motphran bad kiwei kiwei.