Shillong, Kyllalyngkot:
Ka Dorbar Shnong Langkyrding Mihngi, ka la pyntip sha baroh ki trai jaka kiba don sha khlieh jong ka Block I,III bad IV, jong ka Dorbar Shnong Langkyrding Mihngi, Shillong kiba don jaka ha ka lynti ban ïaid ka surok thymmai (By Pass), na syndah ka Khlaw Syiem bad ki jaka jong ki trai khyndew kiba hap ha ka Dorbar Shnong naduh Mawshutwait, Belfonte sha lynti jong ka Lane 7, Block 1 Langkyrding Mihngi, Shillong ter ter shaduh Umsawli, New Shillong, ban phah ïa ki kot jaka ba donkam sha ka Office jong ka Dorbar Shnong ha ki por plie ophis shnong ha lane shwa ka 10 tarik, Rymphang, 2025.
Lada jia ba ki trai jaka kim lah ban phah ne submit ïa ki kot jaka ba donkam, ka Dorbar Shnong kan ym kitkhlieh lada don ka jingkam trai da kiwei pat, bad yn shim ruh ba kim don ïa ki kot jaka ba biang.
