
Dei ban burom bad kohnguh ïa ki shiphew hukum jong u Blei. Ym dei ban kyntait ïa kawei ruh na ki shiphew hukum u Blei. Namar u Blei u la pynkyntang khuid ïa ki. Dei na ka daw ba ngim burom bad ngim sumar ïa ki shiphew hukum u Blei ngi sa ngat ha ka jynjar bad sohsat. Lada ngi dei ban kohnguh ïa ki shiphew hukum.
Men ym ïoh kiwei kiwei ki Blei nalor jongnga ka dei kawei na ki shiphew hukum. Kynmaw ïa ka sngi Sabbaton ban rakhe khuid ïa ka ruh dei kawei na ki shiphew hukum ka ktien U Blei ka ong, Uta uba ong ba u ithuh ïa u bad u bym sumar ïa ka hukum jong u, u long uba lamler bad ka jingshisha kam don ha uta. Bad lada phi ieid ïa nga to sumar ïa ki hukum jongnga. Namar jar uba sumar biang ïa ka hukum baroh hynrei u kyntait tang ha iwei i la jia long uba la rem ha ki baroh.
Hynrei ki mane thala ïa nga ba ki hikai ïa ki hukum jong ki briew kum ka jinghikai ïa ki hukum jong ki briew kum ka jinghikai. Bad ki iehnoh ïa ki hukum ba shisha u Blei, phi bat skhem ïa ki rukom pateng la pateng rukom ki briew. Ka rukom hikai khristan ka bym ïahap bad ka ktien u Blei ka long tang ka jingïalam bakla. Namar ka ktien u Blei ka ong to kynmaw ïa ka sngi Sabbaton ban rakhe khuid ïa ka. Hynrei kiba bun ki balang Khristan kim burom ïa ka ktien u Blei ba dei ban shong sngi ha ka sngi Sabbaton ne sngi Saitjaiñ kaba dei ka sngi shongthait jong u Trai. Ki balang ki ïarai ban shong sngi ha ka sngi nyngkong ka taïew ne ka Sunday, ym ha ka sngi Sabbaton ba la buh U Trai. Te kane ka dei kawei na ka jingpynkheiñ ïa ka ktien u Blei da ki balang Khristan.
C. B. Iawphniaw