
Tura, K’Lyngkot 25
Ka All Selsella NGOs’ Alliance kaba kynthup ïa ka GSU, FKJGP, GSMC, ADE, ASWA, ACHIK, NGCO bad kiwei-kiwei ka la aiti ïa ka jingujor sha u Justice B.P. Katakey (ba la shongthait), ban kyrpad tohkit halor ka jingkynnoh tih dewïong be-aiñ bad jingshalan hapoh ka thaiñ.
Katkum ka jingïathuh jong ka kynhun, ka jingtih dewïong be-aiñ ka la jia ha Balal Adugre bad Goeragre bad ïa u dewïong ba la tih be-aiñ la shalan man ka sngi ha ka por miet lyngba ka surok Selsella-Garobadha.
Haba kdew ba katei ka kam be-aiñ ym tang ba ka pynkheiñ ïa ki kyndon jong ka mariang hynrei ka wanrah ruh ïa ka jingpynjot ka bym lah ban pynbha ïa ka basa-jingim jong ka thaiñ, ki jingtei bad ki jingsngewkhia ha ka jingshngaiñ kumjuh ki jingpynthut ïa ki paidbah nongshong shnong ha ka thaiñ, ka kynhun ka la dawa ïa ka jingtohkit kaba bniah halor kane ka kam – ban phah ïa ki pulit ha shi lynter ka surok Selsella-Garobadha bad ban leh eiei da ka aiñ pyrshah ïa kito kiba donkti ha kane ka kam be-ain.