Te mynba ki khun Israel ki la don ha kata ka ri khlaw, la shem ïa uwei u briew uba lum prew ha ka sngi Sabbaton. Kita te kiba la shem ïa u ki la wallam ïa uta uba lum prew ha u Moses bad ha u Aaron, bad ha u paidlang baroh. Ki la set byndi ruh ïa u, naba ym pat shym pynpaw aiu ka dei ban leh ïa u. U Trai te u la ong ïa u Moses la uta u briew u dei shisha ban pyniap noh, u paidlang baroh kin ïa lynthem maw ïa u da ki maw shabar ka jaka shong dara. Bad uta u paidlang baroh ki la leit lam ïa u shabar kata ka jaka shong dara, bad ki la lynthem maw ïa u da ki maw bad u la iap, kumba la hukum U Trai ïa u Moses. Haba u Blei mynshuwa u phah pyniap noh ïa kiba pynkheiñ ïa ka Sabbaton U Trai. Katba mynta pat la kylla ktien bad ym don shuh lynthem maw ïa kiba pynkheiñ ïa ka Sabbaton. Te kane kam dei ka jingkylla jong u Trai ha ki por ba mynshuwa bad mynta kam ïa hap shuh. Sa pyrkhat bha ïa kane ka jingphla ka jong u Trai. La sot ïa kane ka jingïathuh na ka Kitab Jingkheiñ ka lynnong kaba khadsan ka dkhot kaba laiphew ar haduh 36.
C. B. Iawphniaw
