
Jowai, K’lyngkot 30
Baroh 27 ngut ki kyrtong jong ka Voice of People Party (VPP) ki la pyndep ïa ka jingthep kyrteng ban ïakhun ïa ka ilekshon sha ïingdorbar thawaiñ jong ka JHADC ha ka 30 tarik Kyllalyngkot.
Ki kyrtong jong ka VPP na 14 tylli ki konstitwensi ki la pynlong da ka jingïaid kjat naduh Thomas Jones Synod Road, Jowai shaduh DC ophis Jowai lyngba ka Iawmusiang ha ryngkat ka jingsynran jong ki nongkyrshan ka seng.
Ki kyrtong jong ka VPP kiba la thep kyrteng ki long Bah Yoonwanmi Myria na Nartiang Wahiajer, Bah Chanbor Rymbai na Moodop Umladang, Kong Darapbiang Mulieh na Mynsngat Khanduli, Bah Sarlanki Dkhar na Barato Mukroh, Bah Hameshaniah Suiam na Shangpung, Bah Iaibatlang Talang na Jowai South, Bah Nehemaiah Lamare na Mukhla Ummulong, Bah Clossroy Laloo na Moodymmai Nongkhroh, Bah Darimi Liang na Shiliang Myntang, Bah Rumiki Niang na Mowkaiaw, Bah TZ Dkhar na Raliang, Bah Gresentus Susngi na Mihmyntdu Nangbah, Dr Samely Shylla na Amwi Khliehtyrchi bad Bah Thiyovan Lapasam na Saphai-Sahsniang.
Ha Amlarem Sub Division ki don lai ngut kyrtong ka VPP ba kynthup u Isaak Shylla na War East, Batskhem Hayong na War West, bad Jamshaphrang Pohtam na War Central.
Katba ha East Jaiñtia Hills District, ki kyrtong jong ka VPP na 10 tylli ki konstitwensi ki la pynlong shwa ka nguh ka dem hakhmat u mot sahnam jong u Kiang Nangbah ha Khliehriat shwa ban leit thep kyrteng ha DC ophis Khliehriat. Ki kyrtong jong ka VPP kiba la thep kyrteng ha East Jaiñtia, ki long Soki Lapasam na Muthlong-Sohkymphor, Tyngshain Phawa na Khliehriat-Rymbai, Prince Sukhlein na Saipung-Nongkhlieh, Kong Lastborn Sympli na Sutnga Nongkhlieh, Dameshwa Rymbai na Musniang Rangad, Bah Lamsuk Langstang na Sutnga Narwan, Deiwi Tongper na Narpuh, Levenson Suchiang na Bataw Lakadong bad Bah Deimon Phawa na Tuber.