
Jowai, K’lyngkot 31
Haduh 28 ngut ki kyrtong na ki seng bapher-bapher kumjuh ki kyrtong shimet ha ka 31 tarik Kyllalyngkot ki la wan ban thep kyrteng ha ophis DC Jowai na ka bynta ban ïakhun ïa ka ilekshon MDC 2025 sha ka Jaiñtia Hills Autonomous District Council (JHADC) ka ban long ha ka 21 tarik Rymphang.
Kine 28 ngut kyrtong ki kynthup 9 ngut na INC, 4 ngut na ka UDP, 11 ngut na ka NPP, uwei u kyrtong ka BJP bad 4 ngut ki kyrtong shimet.
Ki 9 ngut ki kyrtong ka INC ki long 2 ngut ki MDC ba mynta ba kynthup ïa u Bah Saron Pasweth na 19-Jowai South, Bah J. Trelang Suchiang na 16-Shangpung, nalor u CEM barim, Bah Madonbai Rymbai na 4-Amwi Khliehtyrshi, ka Banikas Laban na 12-Barato Mukroh, Katbanbiang Lamare na 7-Nartiang Wahiajer, Wellpard Suchaing na 15-Raliang, Bitos Sari na 5-Mukhla Ummulong, Jona Rynjah na 6-Moodymmai Nongkroh bad Pynbiangmi Laloo na 14-Mookaiaw.
Katba ki 11 ngut ki kyrtong ka National People’s Party (NPP) ki long 4 ngut ki MDC ba mynta ba kynthup ïa u Ailad Bhoi na 5-Mukhla Ummulong, Eveningstar Teron na 9-Mynsoo Nongjngi, Lakhon Dkhar-4 Amwi Khliehtyrshi bad Aiborlang Shadap – 12 Barato Mukroh.
Nalor ki MDC kiwei pat ki kyrtong ka NPP ki long u Tellme Phawa na 17-Nangbah Mihmyntdu, Dikylsingh Phawa na 19-Jowai South, Pheinshwa Nanglein na 10-Mynsngat Khanduli, Mihnyngkong Suting na 16-Shangpung, Remdorkupar Lyngdoh na 13-Saphai Sahsniang bad Warmanship Shadap na14-Mookaiaw.
Ki 4 ngut ki kyrtong ka United Democratic Party (UDP) ki long u MDC ba mynta, Bah Wining Garland Sungoh na 14-Mookaiaw, Marki Mulieh na 18-Jowai North, Meiowan Pasi na 17-Nangbah Mihmyntdu bad Eleazer C. Dkhar na 11-Shilliang Myntang. Katba ki 4 ngut ki kyrtong Independent ki long u MDC ba mynta Bah Brightstar Chyrmang na 17-Nangbah Mihmyntdu, Bah Moonlight Pariat na 19-Jowai South, Carebasius Pasi na 9-Mynsoo Nongjngi bad Heiboklang Suting na 4-Amwi Khliehtyrshi.
Katba ka BJP la thep kyrteng da u Pil Khyriem na 4-Amwi Khliehtyrshi.