
Shillong, K’lyngkot 31
Hadien ba uwei u briew u la shahkem namarba u la byrngem ban pynbthei bom bun jaka ha nongbah Shillong, ki pulit ki la ïoh kem sa uwei u briew ha kaba ïadei bad kane.
Ka khubor na ki pulit ka ïathuh sa uwei u briew uba kyrteng u Franky Marsing (26 snem), u la shah kem bad u dei uba shong ba sah ha Ïew Mawlong, Nongpoh ha Ri-Bhoi district.
Ka jingkem ïa u ka don jingïadei ruh bad ka jingmudui ha Shillong Sadar PSC/o 29(1)2025 U/S 351(4)/353(2)/61(2)/113(2) (b) BNS.
Kum ban pynkynmaw, ha ka 23 tarik mynta u Kyllalyngkot, ki pulit ka nongbah Shillong ki la ïoh kem ïa u Edward Maïong (37 snem), uba sah shipor ha Lower New Colony, Laitumkhrah hadien ka jingtohkit da ki pulit ha ryngkat ki pulit Special Operation Team (SOT), East Khasi Hills District.
Une u briew u la phah da ka SMS na ka phone jong u ha ka 22 tarik Kyllalyngkot bad u la pynithuh ba u dei na ka kynhun ‘Ri-Bhoi Gang.’
Ïa ka mobile phone kaba u la pyndonkam ban phah SMS la ïoh kurup da ki pulit.
Dang shen, u Superintendent of Police ka East Khasi Hills District, Bah Vivek Syiem, u la ong ba ïa ka jingïadei jong u Edward bad kano-kano ka kynhun lehnoh ym pat lah ban kyntait ïa mynta namarba ki don ki sabut pyrshah ïa u.