Na ka jingïapatar ki ksew, lap ki paidbah ïa ka metïap i khyllung

Ha ka step jong ka Sngi Saitjaiñ jong ka taïew ba la dep, ki paidbah nongïaid nongïeng ki la lap ïa kawei ka metïap jong i khyllung ba dang shu kha ha kawei na ki...

Nongstoiñ, Rymphang 02

Ha ka step jong ka Sngi Saitjaiñ jong ka taïew ba la dep, ki paidbah nongïaid nongïeng ki la lap ïa kawei ka metïap jong i khyllung ba dang shu kha ha kawei na ki jaka jong ka shnong New Nongstoiñ kaba don marjan bad ka ophis District Sport Officer ha West Khasi Hills.

Ka khubor ka ong ba ki la don ki briew kiba ïaid lynti na katei ka jaka ba ki la ïohi ba ki ksew ki la patar ïa kawei ka plastik kaba la song ïa itei i khyllung, bad ynda ki briew ki la beh ïa ki ksew bad leit peit sha shiliang ka surok ki la ïohi pynban ïa i khyllung ba dang shu kha ba i la khlad kumjuh ban pyntip mardor sha ki pulit ka Nongstoiñ.

Halor katei ka jingjia, la ong ruh ba ki pulit hadien ka jingïoh ïa ka jingtip ki la leit mar-mar sha katei ka jaka bad ki la leit ban shimti noh ïa katei ka met jong itei i khyllung bad ban leh ruh ïa ki jingdonkam katkum ka aiñ.

Shuh shuh, haduh ba la pynmih ïa kane ka khubor ym pat shym la ïoh satia kano-kano ka jingtip kaba bniah halor ka jingpoi jong katei ka met itei i khyllung ha katei ka jaka.