Weng kyrteng 3 ngut ki kyrtong ba ïakhun sha JHADC

Kine lai ngut ki kynthup ïa u Bah Cleofast Bamon na 5-Mukhla Ummulong District Council Constituency bad Bah Hermon Phawa na 7 Nartiang Wahïajer District Council Constituency.

Jowai, Rymphang 04

Napdeng 117 ngut ki kyrtong kiba la pyndep ka jingthep kyrteng ban ïakhun ïa ka ilekshon MDC sha Jaiñtia Hills Autonomous District Council (JHADC), lai ngut ki la weng noh ïalade na ka jingïakhun ha ka 4 tarik Rymphang kaba dei ruh ka sngi khatduh ban weng noh ïa ki kyrteng.

Kine lai ngut ki kynthup ïa u Bah Cleofast Bamon na 5-Mukhla Ummulong District Council Constituency bad Bah Hermon Phawa na 7 Nartiang Wahïajer District Council Constituency.

Katba na East Jaiñtia Hills District u Bah Opaya Lyngdoh u la weng kyrteng noh ban ïakhun na ka 23 Rymbai Khliehriat District Council Constituency. Kine baroh lai ngut ki dei kiba la thep kyrteng ban ïakhun kum ki kyrtong shimet.

Da ka jingweng noh jong kine lai ngut ki kyrtong, baroh ki kyrtong ki ban ïa aireng na 29 tylli ki konstitwensi ha ka ilekshon MDC sha ka JHADC ki long 114 ngut, kynthup 42 ngut na East Jaiñtia Hills District bad 72 ngut na West Jaiñtia Hills District.