Nongstoiñ, Rymphang 06
U Superintendent of Police (SP), West Khasi Hills u la pyntip ba ha ka 1 tarik u Rymphang, 2025 ba la lap ïa kawei ka metïap jong i khyllung kynthei ba dang shu kha narud surok jong ka Lad Tiehsaw, New Nongstoiñ.
Halor kane ki pulit ki la leh ïa kaba donkam bad la buh ïa kane ka metïap ha ka jaka buh metïap jong ka Civil Hospital Nongstoiñ.
Kumta la kyrpad ba lada don mano-mano ba ithuh ne tip ïa kane ka metïap ki lah ban pyntip ha ki thanat jong ka Jylla ne ki Jylla marjan khnang ban ithuh ïa kane ka metïap i khyllung bad ban pyntip ha ka Police Control Room contact number 9366498499/6909642019 lane ban email ha [email protected], ong ka kyrwoh khubor na u SP.
