Mairang, Rymphang 06
Kum shibynta ban ïada ïa ki jingthaw ba im ha um, ka jingthang ïa ki khlaw ki btap bad na ka bynta ka jingshngaiñ jong ki paidbah nongshong shnong, ka District Magistrate (DM) ka Eastern West Khasi Hills District, Mairang ha ka hukum ba la pynmih hapoh ka Section 163 jong ka BNSS, 2023 ka la khang bad mana pyrshah ïa ka jingber ïa kino-kino ki jait dawai harud ki wah bad ïa ka jingthang ïa ki khlaw ki btap ha ka district hi baroh kawei.
Ka DM u la ong ruh ba ka jingpyndonkam ïa kum kine ki jait dawai ha ki wah ka lah ban pynjaboh ïa ka um, ha kaba kut kan ïalam sha ka jingpynïap khlem da pyrkhat ïa baroh ki jait jingthaw ba im ha um, bad ka lah ban wanrah jingma ruh kaba khraw ïa ka jingshngaiñ bad ka koit ka khiah jong ki paidbah nongshong shnong.
Shuh shuh, ka la ong ruh ba kane ka hukum kan treikam mardor khnang ban ïada ïa ki jingthaw ba don hapoh um bad ban pynneh ïa ka jinglong jingman jong ki wah bad ki khlaw ki btap. Kino-kino kiba pynkheiñ ïa kane ka hukum kin shah pynshitom katkum ka kyndon ba 223 jong ka BNSS, 2023.
