Nongstoiñ, Rymphang 11
U District Magistrate (DM) ka West Khasi Hills, Bah Garod LSN Dykes, IAS, u la pynjari da ka kyndon aiñ 163 BNSS kaba khang pyrshah ïa baroh ki jingïalap ilekshon, ka jingïalum paidbah, pyndonkam ïa ki tynghung sawa jam, ka jingsam ïa ki kot lyngkdop ne pamphlets, ka jingpynïeng ïa ki lama, ki banners bad kiwei kiwei 200 meters na ki polling booth.
Ha ka kyrwoh khubor u District Magistrate u la ong ba katei ka aiñ ka la khang ruh ïa ka jingplie ïa ki ophis seng 200 meters na ki polling booth, ban pynlong jingïalang paidbah ne ïaid proseshon.
Nangta, ban rah suloi ne ki tiar pynmynsaw, kaba pynlong kino-kino ki jingpyntieng ïa ki nongthep vote ne ki paidbah, ka jingïalum briew kaba palat ïa ka 5 ngut ha kajuh ka jaka, ka jingdon jong ki seng saiñpyrthei ne nongkyrshan kiba nabar ka konstitwensi.
U la ong ruh ba ki kyrtong ki lah ban leit rung ïing ha ki 48 kynta shwa ban khang ka jingthep vote.
Shuh shuh ka kyrwoh na u District Magistrate ka ong ruh ba kane ka hukum kan treikam mardor ha baroh kawei ka district naduh ka 4.00 janmiet jong ka 19 tarik u Rymphang, 2025 haduh ban da kut ka ilekshon.
