Shillong, Rymphang 11
Kawei ka longkmie kaba dei ka nongshong shnong jong ka nongbah Shillong ka la shah thok pisa ha uwei u briew uba la kular ban pynïoh kali.
Katkum ka khubor na ki pulit la ong ba kane ka longkmie ka la ujor sha ki pulit ba ha ka 14 tarik u bnai Kyllalyngkot, 2025, ha ka por kumba 4.16 eiei janmiet, ka la siew pisa haduh T.75 hajar sha uwei u briew ba la tip kyrteng kum u Pynshai Puweiñ lyngba ka Gpay ha ka jingïakut ba un pynbiang ïa ka, ïa ka kali Maruti Alto 800.
Hynrei la ong ba ïa kane ka kali ym pat shym la pynpoi wat haduh kine ki sngi bad haba ka la pyrshang ban phone ïa u, ka la lap ba ïa u number phone jong ka, la dep ban ‘Blocked’ ha kaba ka la sngewthuh ba ka la dep ban shah thok.
