Shillong, Rymphang 12
Uwei u nongshong shnong jong ka Ri-Bhoi District u la shah thok pisa ha uwei u briew uba kam ïalade kum u nongtrei jong ka ‘BookMyShow’ na ka jingkwah leit peit ‘Concert’ ha nongbah Shillong.
Une u briew uba la shah thok pisa u la ai ka jingujor sha ki pulit ba ha ka 6 tarik mynta u bnai, uwei u briew ba la tip kyrteng kum u Aditya Prakash, uba la kam ïalade ba u dei u nongtrei jong ka ‘BookMyShow’ u la die ar tylli ki tiket jong ka concert ha nongbah Shillong lyngba ka Instagram kiba shongdor T.7,600/- nalor kata u la bthah ban siew biang ka pisa haduh T.7,197.88/- (GST), kaba u la ong ba kan dei ka ban sa pynphai biang hapoh 30 minit.
Hynrei la ong ba kham hadien, une u briew u la bthah biang ban siew biang ka pisa sa kumba T.9,998.05/- ïa kaba na ka liang jong utei u briew uba la ujor halor kane, u la kyntait mardor. Na ka liang jong une u nongujor um shym la ïoh shuh ïa ka pisa kaba u la siew bad wat ïa ki tiket kiba u la dep ban siew pisa.
