Shillong, Rymphang 13
Ka Deputy Commissioner (DC) jong ka East Khasi Hills ka Kong RM Kurbah ka la pynmih da ka hukum ban pynjari da ka kyndon 163 BNSS ban khang pynlong ïa ki jingïakob ïadur masi hapoh ka district baroh kawei.
Ka DC ka la ong ba lada shah ïa ka jingïakob ïadur masi, kane kan pynkheiñ ïa ka kyndon 11 jong ka Prevention of Cruelty to Animals Act, 1960.
Ka pyntip ba ka ophis ka la ïoh ïa ki jingtip ba ka jingpynlong ïa ki jingïakob ïadur masi ka jur bha hapoh ka district khamtam haba pynlong ïa ki Fete/lane ki tamasa bapher bapher.
Ka ong ba ka jingpynïakob ïadur masi ka pynkheiñ ruh ïa ka hukum ka ïingbishar Supreme Court katkum ka hukum ba la pynmih ha u snem 2014. Ïa kane ka hukum la pyntreikam mardor bad kino-kino kiba ïaleh pyrshah kin ngat ha ki jingpynsajia katkum ki kyndon aiñ.
