Shillong, Rymphang 13
Kum shi bynta ban ïaid beit ka jingthep vote na ka bynta ka ilekshon MDC ha baroh ar tylli ki Autonomous District Council (KHADC bad JHADC), na ka liang ka tnat District Council Affairs (DCA) ka la pynbna ban ai shuti sha baroh ki nongtrei ophis ka tnat Sorkar Pdeng.
Ha ka shithi ba la phah da u Deputy Secretary DCA, u la pyntip ba ki nongtrei ophis ka Sorkar Pdeng kiba dei ki nongthep vote hapoh ka KHADC bad JHADC yn ai shuti kyrpang ha ka 21 tarik u Rymphang 2025, ka ban dei ka sngi thep vote.
Kane kan dei ruh kum ka lad ban pynthikna ba baroh ki nongthep vote kin ïoh ban pyndonkam ïa ka hok synshar paidbah jong ki khlem kano-kano ka jingkhanglad ha kaba ïadei bad kane kam.
