Shillong, Rymphang 17
U MP ka Shillong bad General Secretary ka Voice of the People Party (VPP), Dr. A.J. Syngkon u la kyntu ïa ki bor distrik ka East bad West Jaiñtia Hills ban pynbiang ïa ki bor pahara na bynta ka ïaid beit ïaid ryntih jong ka ilekshon ban wan sha ka Jaiñtia Hills Autonomous District Council (JHADC) khamtam haba ïadei bad ki 67 tylli ki jaka thep ‘vote’ (Polling Station) kiba don jingma bad kiba kham don jingma kiba saphriang ha ki 17 tylli ki konstitwensi jong kine ar tylli distrik.
Ha la ki jong ki jingthoh ba la phah sha ki District Election Officer (DEO) jong kitei ar tylli distrik, u Dr. Syngkon u la ong, “Nga kwah ban pyntip sha ka ophis jong phi ba katkum ki jingïoh jingtip ba nga la ïohpdiang, ki jaka thep ‘vote’ ryngkat ki konstitwensi jong ki kiba la bsut lang hangne kum ka ‘Annexure’ 1 bad 2 la kheiñ ba ki long kiba don jingma/kiba kham don jingma.”
“Na ka bynta ka jingïaid beit ïaid ryntih jong ka ilekshon kaba long kaba kongsan na ka bynta ka synshar paidbah kaba treikam bha. Halor kane, nga kyntu jur ïa phi ban pynbiang ïa ki bor pahara kiba biang ban khang ïa kano-kano ka jingpyrshang ka ban khanglad ïa ka hok thep ‘vote’ jong ki nongthep ‘vote’ ha ka rukom kaba laitluid bad ban khanglad ïa kano-kano ka jingpyrshang kaba lah ban jia – ban kurup ïa ki jaka thep ‘vote’ ne kiwei-kiwei kaba lah ban pynthut ïa ka jingthep ‘vote’,” u la ong.
Ha ka jingthoh kaba la phah, ka seng ka la kdew ïa ka thup kyrteng jong 34 tylli ki jaka thep ‘vote’ kiba don jingma ha 9 tylli ki konstitwensi jong ka West Jaiñtia Hills.
Kine ki kynthup ïa ka Mukhla A (Male), Mukhla B (Female), Mukhla Mission, Mukhla Sohshrieh, Umlangshor ha 5-Mukhla Ummulong konstitwensi, Wahïajer A (Male), Wahïajer Rc (Male), Wahïajer B (Female), Wahïajer Rc (Female), Wahïajer C (Male),Wahïajer Lumbhahdakha, Wahïajer D (Female), Lumbhahdakha ha 7-Nartiang-Wahïajer konstitwensi, Byrwai A&B, Pasyih A&B, Thadmuthlong A&B, Thadmuthlong Phramer ha 20-Mathlong-Sohkymphor konstitwensi, Lathumphu A&B ha 11-Shilliang Myntang konstitwensi, Mukhroh A&B ha 12-Barato Mukroh konstitwensi, Moodymmai A (Male). Moodymmai B (Female), Moodymmai C ha 6-Moodymmai-Nongkroh konstitwensi, Sabah Muswang ha 17-Nangbah Mihmyntdu konstitwensi, Mynsngat Male, Mynsngat Female, Mynsngat Rakhwi, Namdong Male, Namdong Female ha 10-Mynsngad-Khanduli konstitwensi, Umdeiñlin, Nongryngkoh, Mookaïaw, Mookaïaw B (Male), Mookaïaw A, bad Mookaïaw D ha 14-Mookaïaw konstitwensi.
Kumjuh, ki don 12 tylli ki jaka thep ‘vote’ ha 16-Shangpung konstitwensi kiba kham don jingma ba kynthup ïa ka Khliehmushut Shangpung, Shangpung Pohshnong A, B bad C. Shangpung Mission (Male & Female), Khliehrangnah (Male & Female), Mynkrem, Khlookynrin, Mulieh R & Mulieh S, Mynktung Khliehumbuit, Shangpung Moosyiem and Shangpung Moolibang.
Shuh shuh, ka seng ka la kdew ïa ka thup kyrteng jong 21 tylli ki jaka thep ‘vote’ ba don jingma ha 7 tylli ki konstiwensi jong ka East Jaiñtia Hills.
Kine ki kynthup ïa ka Bataw-A (Male), Bataw-B (Female) bad Lakadong Ummat ha 29 Bataw-Lakadong konstitwensi, Wapung Shnong A (Male), Wapung Shnong B (Female), Tuber Sohshrieh, Pynthorsale, Mukhaïalong A (Male) Mukhaïalong B (Female) ha 21-Tuber Wapungshnong konstitwensi, Tluh, Byndihati A, B & C, Larseng, Umtyra ha 25-Sutnga-Nongkhlieh konstitwensi, Sonapyrdi bad Ratacherra A & B, Wapungskur, Moolamanoh, Moolamanoh ha 28-Narpuh konstitnwensi, Jalaphet Sumer (A&B) ha 26-Sumer konstitwensi, Jalaphet Sutnga (Male), Jalaphet Sutnga (General), Jalaphet Sutnga (Female) ha 24-Sutnga-Narwan konstitwensi bad ka Khliehriat East Village ha 23-Rymbai-Khliehriat konstitwensi.
