Mairang, Rymphang 18
Ka District Magistrate jong ka Eastern West Khasi Hills District, Mairang ka Kong A Kharpor IAS, ha ka 12 tarik Rymphang 2025 ka la pynmih hukum katkum ka kyndon 163 jong ka BNSS 2023, kaba la mana bad khang pyrshah ïa kiba pynïap pathar ïa ki mrad khlaw hapoh ka district hi baroh kawei.
Ha ka kyrwoh khubor ïa kaba la phah, ka District Magistrate kala pynmih ïa kane ka hukum hadien ba la ïoh jingujor halor ka jingdon jong ki briew kiba siat ne pynïap pathar ïa ki mrad khlaw da kaba pyndonkam ïa kine ki jait tiar kum ka single barrel muzzle-loading rifle, ka single barrel breech-loading rifle, ka pistol, ka suloi, ka 22 rifles, ka air gun bad kiwei de ki jait tiar kaba lah ban wanrah ïa ka jingduna jong ki mrad khlaw ha ka dong bad ka thaiñ khamtam eh ïa kito ki mrad ba la jan duh jait.
Shuh shuh ka District Magistrate kala ong ruh ba kino kino kiba pynkheiñ ïa kane ka hukum kin shah pynshitom katkum ka kyndon ba 223 jong ka BNS Act, 2023.
