Nongpoh, Rymphang 19
Ka shlem treikam u Deputy Commissioner (Excise) ka Ri Bhoi District lyngba ka kyrwoh khubor ba la pyllait paidbah ha ka Sngi Balang ka la pyntip paidbah ba kan don ka sngi tyrkhong kyiad lane ka ‘dry day’ ha ka 21 tarik kaba dei ka sngi thep vote bad ruh ha ka 24 tarik mynta u bnai Rymphang kaba dei ka sngi ñiew vote na ka bynta ka ilekshon jied ïa ki nongmihkhmat sha ka Khasi Hills Autonomous District Council (KHADC) kumba la pynbna da ka Sorkar Jylla katkum ka hukum No. ERTS (E) 10/2013/199-A Dated 7th February, 2025.
Kumta halor kane ka bynta, la hukum ïa baroh ki dukan die kyiad ba kynthup naduh ki IMFL retails shops, bars ha ki hotel, bonded warehouses, bottling units, country made spirit shops, out stills, breweries, canteens bad kiwei kiwei kiba don ha Ri Bhoi District ki dei ban khang khyrdep ha kitei ki sngi kiba la kdew haneng bad pyntip ruh ba na ka liang ki bor ba dei khmih kin pynlong ïa ka jingpeitngor bad talasi khnang ba kane kan nym don kano-kano ka jingpynkheiñ ïa kane ka hukum.
