Shillong, Rymphang 23
Katkum ka khubor kaba la ïoh na ki pulit la ong ba kawei ka briew ba la tip kyrteng kum ka Zilekha Khatun ka la ujor sha ki pulit pyrshah ïa uwei u briew uba la rah noh ïa ka kali jong u, kaba la phah shna khlem da siew ïa ka pisa kaba la poi da ki lak tyngka.
Ha ka jingujor kaba la ai, ka Zilekha Khatun ka la ong ba uwei u briew ba la tip kyrteng kum u John Barman na ka shnong Bongaigaon ha Assam, uba trei ha ka kam khaïi maw, u la thied ïa ki shaka na ka bynta ka trok dumper jong u bad ruh ban phah maramot ruh ïa ki shaka jong ka trok dumper jong u ha ka dukan jong ka.
Hynrei la ong ba dang shen, ka la ïoh jingtip ba utei u briew u la pynkynriah noh ïa ka kali jong u sha Bongaigaon, Assam, khlem da siew ïa ka pisa kaba sah kaba la kot shaduh ka T.1,45,750/-.
Ha kawei pat ka khubor, u Lakhan Rishi na ka shnong Rishipara, Tura ha West Garo Hills u la ujor pyrshah ïa uwei u briew ba la tip kyrteng kum u Nikesh Lohar halor ka jingbym lah ka jong u ban siew ïa ka pisa kaba long T.10,040/-, kaba dei ka pisa na ka jingshalan ïa ki khun syiar sha u ha u snem 2024.
