Shillong, Rymphang 23
Ki pulit ka Jylla ki la kem noh ïa 3 ngut ki nong Bangladesh ha kane ka taïew ba la dep na South West Garo Hills (SWGH).
Ha ka 19 tarik u Rymphang ha ka por 4:30 janmiet, ki pulit ki la kem noh ïa lai ngut ki nong Bangladesh – Md. Hassan Ali (40 snem ka rta), Md. Nassir Uddin Mia (43 snem ka rta) bad u Md. Milton Mollick (50 snem ka rta) na Silkona, SWGH.
Ki pulit ki la kurup noh ïa 3 tylli ki ‘Aadhaar’, 2 tylli ki ‘PAN Card’ suba thok, 3 tylli ki ‘mobile phone’ bad T.1,610 na kitei ki briew.
