Shillong, Rymphang 23
Kawei ka samla ka la ujor sha ki pulit ba uwei u briew um shym la pynpoi ïa ki kot ki sla kiba donkam jong uwei pat ba ka la phah rah.
Katkum ka khubor na ki pulit la ong ba ka samla Bamelari Diengdoh ka la ujor ba ha ka 7 tarik Kyllalyngkot, 2025 hapdeng ka 10.30 mynstep haduh 11.30 mynstep, uwei u briew ba la tip kyrteng kum u Beepin Yadav u la wan shim ïa ki kot ki sla kiba donkam kiba dei jong u Bah Anfan Banbiang Sing Syiem na Tynring BPO ha East Khasi Hills.
Hynrei la ong ba ha ka 5 tarik Rymphang, ki bahaïing jong u Bah Anfan Banbiang Sing Syiem ki la pyntip sha katei ka samla lyngba ka phone ba kim pat shym la ïoh pdiang satia ïa kita ki kot ki sla.
