Nongstoiñ, Rymphang 24
Lai ngut ki kyrtong na ka BJP kiba la ïakhun ha kane ka ilekshon MDC sha ka KHADC na ki lai tylli konstitwensi kiba hap hapoh ka West Khasi Hills District ki la shah tam ha u NOTA ha kaba ïadei bad ka jingïoh vote ka jong ki.
Ki lai ngut ki kyrtong ka BJP kiba la shah tam ha ki vote u NOTA ki kynthup ïa u kyrtong na Nongstoiñ u Bah Demendar Lyngdoh uba la ïoh tang 148 vote katba u NOTA u la ïoh 181.
U Bah Dominik Wahlang kyrtong na Rambrai-Jyrngam uba la ïoh tang 106 vote katba u NOTA u la ïoh 224 vote, kumjuh ruh ha Mawshynrut u kyrtong ka BJP u Bah Roland Mawsor u la ïoh tang 121 vote katba u NOTA u la ïoh 171 vote.
