Shillong, Rymphang 24
Ki pulit ka Pasteur Beat House ha ka Lah Sngi U Blei ki la kem ïa ar ngut ki nongtuh bad na ka met jong ki la kurup kawei ka laptop ba ki la tuh.
Kine ar ngut ki briew ki kyrteng u Navin Sunar ba 42 snem na Laban marjan ka St. John bad u Sanju Sunar ba 38 snem na Barapathar. Ïa kine ki briew la kem na ka thaiñ Polo.
Kine ar ngut ki la kubur ba ki la prong tuh ha kawei ka ïing marjan bad ka skul BK Bajoria bad rong tuh ïa ar tylli ki laptop lem bad kiwei kiwei ki tiar, ong ki pulit.
Napdeng ki tiar ba la ïoh kurup ki kynthup ïa ka passport Bhutan kaba dei jong u Jigyel Gyelshen.
Ïa kine ki runar la pynrung mukotduma ha thanat Laitumkhrah.
