Shillong, Rymphang 25
Uwei u briew ba la tip kyrteng kum u Aoyanger Longkumer u la ujor ejahar ba ha ka 21 tarik Rymphang ha ka por kumba 10:45 baje mynmiet, ki briew bym lah ban ithuh satia ki la tuh ïa ka arshaka jong u kaba don ïa u nombor ML-05-M-6564 na khyrdop ITI, Rynjah, Shillong.
Ha kawei pat ka jingjia, uwei u briew ba la tip kyrteng kum u Rahul Pal u la ujor ejahar ba ha ka 20 tarik Rymphang, ki briew bym lah ban ithuh satia ki la tuh ïa lai tylli ki kor um nar na CPL Barrack jong ka Hq., R&DE(BRO), Nongmensong, Shillong.
Ha kajuh ka por, uwei u briew ba la tip kyrteng kum u Surendra Kumar Yadav u la ujor ejahar ba ha ka 22 tarik u Rymphang ha ka por kumba 1 baje nohphai sngi, ki briew bym lah ban ithuh satia ki la tuh ïa ka ‘mobile phone’ jong u na madan BSF Lal Ground, Mawpat, Shillong.
Sa ha kawei pat ka jingjia, u Bah Ronnie M. Rani u la ujor ejahar ba ha ka 21 tarik Rymphang, ki briew bym lah ban ithuh satia ki la tuh ïa ka skutar jong u kaba don ïa u nombor AS-01-AZ-5448 na ka jaka sah jong u kaba don ha Laban, Shillong.
