Shillong, Rymphang 26
U President jong ka Voice of the People Party (VPP), Bah Ardent M Basaiawmoit, u la pyntip ba ki MDC ka VPP kin shong ha ka liang pyrshah ha Jaiñtia Hills Autonomous District Council (JHADC).
Haba ïakren bad ki nongthoh khubor ha ka Sngi Balang, u Bah Ardent u la ïathuh ba ka VPP ka dei ka seng kaba wan ba ar ha ka jingjop ki MDC ha JHADC, ha kaba ka la jop haduh 8 ngut ki MDC na ka 29 ngut ka jingdon ki MDC hynrei kan nym treh ban thaw ïa ka Executive Committee hynrei kan shong ha ka liang pyrshah.
Kum ban shu pynkynmaw ha kane ka ilekshon MDC sha ka JHADC, ka NPP ka la jop marwei haduh 13 ngut ki MDC, katba ka VPP kaba wan ba ar ka la jop 8 ngut ki MDC, ka UDP bad Congress ki la jop mar lai ngut ki MDC bad ki MDC shimet ki ïoh 2 ngut.
