Damascus, Rymphang:
Katkum ki khubor, la ong ba ki liengsuiñ thma ka Israel ki la leit ban thombor ia ki bynta ka nongbah Daraa jong ka Syria ha ka Sngi Ba-ar hadien ba ka por ban pynphai briew markylliang bad ka Hamas ka la kut.
La ong ba ka Israel ka la leit thombor ia ka shnong Kisweh, kaba don kumba 20 Kilometre na ka phang South jong ka Damascus.
Ia mynta hi, kam shym don kano- kano ruh ka jingpynphai ktien ne ka jubab na ka liang jong ka Israel haba iadei bad kane ka khubor.
Hynrei ki nongshong shnong jong ka Syria ki la sakhi bad pynbna ba katei ka khubor ka long kaba shisha kaba ki la iohi bad sakhi hi dalade watla na ka liang ki rynsan pathai khubor kim shym la pyntikna.
