Florida, Naitung:
Sa shisien pat ha kane ka jingjia la ong ba sa uwei pat u briew u la duh ei noh ïa ka jignim hapdeng ka jingpyrshang jong u ban ïaid lait ïa ka jing talasi bad jing pahara jong ki heh pulit ka Florida, ha kaba u la ngat ha kawei pat ka trok kit jingkit kaba pynher stet bha katba u dang pyrshang ban phet krad na katei ka jaka ba don ki pulit ba ap pahara.
Utei u samla rangbah, uba la 28 snem ka rta, u don lang bad ki 4 ngut kiwei pat kiba shong ha kawei ka kali, kaba la sangeh ha ka jaka ieng kali jong kawei ka jaka theh umphniang bad ka dukan die marbam ha St.
Ha ka jingïakynduh bad ki heh ka tnat pynïaid kam ha ka ri bad ka tnat pynïaid khaïi jong ka US bad kumjuh ruh ki tnat tohkit jong ka ri, kitei ki saw ngut ki la phet krad da ka kjat, ha kaba uwei u la mareh stet lyngba ka surok kaba bun kali sha ka lynti, ong u Florida Highway Patrol Sgt.
Kane ka jingjia, ka long ka jingiap kaba 3 tang hapoh kumba shi taiew kaba iadei bad ka jingiakynduh bad ki agent jong ka ICE, hadien ka jingshah siat ha Texas bad Maine.
