Shillong, Rymphang:
U Chairman jong ka Jsw Group, U Sajjan Jindal u la ïoh ïa ka khusnam ‘Business Leader Of The Decade’ ha ka sien pynlong kaba 15 jong ka AIMA Managing India Awards, namar ka jingïalam jong u ban pyniar ïa ka JSW Group bad pynlong ïa ka kum ka shlem treikam ha kylleng ka pyrthei.
Ïa kane ka khusnam la ai ïa u Jindal ha ka jingïalang kaba la pynlong mynta ka sngi ha ka jingïadonlang jong u kongsan U Dharmendra Pradhan, u Myntri ka sorkar pdeng ba peit ïa ka tnad Education, bad u symbud kongsan u Jitin Prasada, Myntri khynnah jong ka tnad Commerce and Industry; Electronics and IT. Ïa ka jingpule kyrpang la pule da u Yezdi Nagporewalla, Chief Executive Officer, KPMG India.
Hapoh ka jingïalam jong u Jindal, ka JSW Group ka la kiew bha, bad ka jingïoh nong jong ka ka la long da ar shah kaba la kot sha ka US$24 billion.
Ka jingïohi jngai jong u ka la pynlong ïa ka JSW ban ka lah ban kiew da lai shah ha ka jingpynmih ïa ka Steel kata sha ka 39 Million ton, katba nang pynskhem ruh ïa ka sha kawei na ki kompani bakhlaiñ bor ha ka jingpynmih ïa ka bording ka bym lut ne Renewable Energy bad Cement.
Kane ka khusnam ka long ban ithuh ïa ka bynta ba kongsan tam jong u Jindal ban pynïahap ïa ka JSW Group bad ki jingtei bathymmai ha India. Hapoh ka jingïalam jong u, ka JSW ka la kylla long ka ba ar na kiba heh tam ki kompani shimet ha ki kam kad lieng ha India, bad ha kajuh ka por ban sdang ruh sa ïa kiwei ki kam ha ki liang kali ilektrik, ki Drone shipai lyngba ki jingïasnohkti bad kiwei kiba na kylleng ka pyrthei.
