Shillong, Lber 02
Ki shipai Border Security Force (BSF) ki la ïoh ban kem noh ïa ki lai ngut nong Bangladesh bad uwei u Khasi uba dei u nongñiah kali, uba la kit ïa kine ki nong Bangla.
Katkum ka khubor la ong ba ha ka Sngi Saitjaiñ, ki BSF ki la kem noh ïa kitei lai ngut ki nong Bangladesh bad uwei u Khasi uba ñiah ïa ka kali katba ki dang rung tuh sha u pud jong ka ri lyngba ka East Khasi Hills District.
Ïa kine ki nong Bangla la kem na kawei ka kali kaba la ñiah da u rangbah Khasi. Kane ka kali ka dei ka Swift Dzire bad la ïoh bat ïa ki na ka thaiñ Umsyiem. Kine ki nong Bangla ki dei na Dhaka, Bangladesh. Ïa kine ki briew lem bad ïa u nongñiah kali la aiti noh sha ki pulit jong ka Pynursla na ka bynta ba kin leh ïa kaba donkam.
