Shillong, Lber 03
Ka Meghalaya Deaf Association (MDA) ka la pyntip ba ka la pynkhamti ha ka Kong Minisha Marngar ban peit bad pynïaid ïa ki jingdonkam jong kane ka synjuk hadien ba ka la weng noh ïa u Bah Ferdinand Lyngdoh Marshillong kum President.
Ha ka kyrwoh ba la phah sha ki lad pathai khubor la pyntip ba la weng noh ïa u Bah Ferdinand Lyngdoh Marshillong kum President jong kane ka synjuk naduh ka 1 tarik u Lber 2025. “Kino-kino ki jingtip ne kino-kino ki jingdonkam ha kaba ïadei bad kane ka synjuk ki lah ban phah sha ka Vice- President ka synjuk ka Kong Minisha Marngar ha u phone number 9863621309 ne ki lah ruh ban phah sha u Secretary Bah Johnkit Maring ha u phone number 8837291371,” ha ka kyrwoh ba la soi da u Bah Johnkit Maring, General Secretary jong kane ka synjuk.
