Shillong, Lber 06
Haduh 23 tylli ki masi ki la jah na ar tylli ki sem kiba don ha ka thaiñ Hatmawdon kaba hap hapoh ka thanat Mawsynram ha East Khasi Hills.
Katkum ka khubor ba la ïoh na ki pulit la ong ba u Albora Marak u la ujor da ka ejahar ba ha ka 19 tarik jong u Rymphang, 2025 ha ka por kumba 5.30 mynstep, u la lap ba haduh khatwei tylli ki masi ki la jah na ka sem masi jong u kaba don ha ka thaiñ Hatmawdon.
Kumjuh, na ka liang jong u Bah Aibanskhem Skhemlon u la ujor da ka ejahar ba ha ka 22 tarik u Rymphang, 2025 ha ka por kumba 6 baje mynstep, u la lap ba haduh khatar tylli ki masi ki la jah napoh ka sem jong u kaba don ha ka thaiñ Hatmawdon.
