Shillong, Lber 07
Kum shi bynta ban ai mynsiem ïa ki longkmie-longkpa kiba seng kam-seng jam, ki samla ïalehkai, ki doktor bad kiwei-kiwei, ka Rotary Club Shillong Heritage ha ka janmiet jong ka 6 tarik u Lber, 2025, ka la pynkup burom ïa ka Kong Phikaralin Wanshnong (Food Entrepreneur), u Sunil Bajoria Trustee-in-charge jong ka Kamakhyalal Bajoria Charitable Trust, u Redeem Tlang (Indian Professional Footballer), Dr. Chayanika Sarma (MBBS,MD), ka Bharat Sevashram Sangha Shillong (Organisation), ka Airikmenlang Shabong (Indian Army Wrestler) bad u Ajay Agarwala (Social Welfare).
Ha kane ka sngi la wan ban ïadon bynta lang da u Principal Secretary ka Sorkar Jylla, u Sampath Kumar. Haba kren ha kane ka janmiet na ka liang u Kumar u la pynpaw ïa ka jingsngewkmen ban ïohi ba ka Rotary Club Shillong Heritage ka mih shakhmat ban ai jingithuh ïa kiba trei na ka bynta ka imlang-sahlang.
U la bynrap da kaba ong ba ka jingïatreilang ka wanrah ïa u soh ka jingjop bad kum ki nongtrei mon sngewbha kan bha shibun ba kin trei shitom bad wanrah ïa ka jingkylla da kaba ithuh kyrpang ïa kito kiba trei na ka bynta ka imlang-sahlang.
